Oii.."Takajuik den !!!"Tagalenjek Pono katiko dikajuikan Codoik. "Manga angku, sarius bana ma?," tanyo Codoik sambia mancaliak laptop Pono. "Iko  wa. Baco lah sumbarterkini ko," tangan Pono manunjuak berita tentang masuaknyo Bulan Ramadhan. Inyo tetap juo serius mambaco isi situs berita terdepan di Sumbar tu. "Bisuak ndak bisa wak minum kopi siang lai," sabuiknyo. "Lah tibolo Bulan Puaso, padahal rasonyo patangko baru," Pono manggeleang-geleang.

"Itulah seharusnya awak umaik Muslim ko bagembira. Indak basadiah mode ko do," jawek Codoik, sambia maesek pungguang Pono. "Indak bacando itu do. Makasuik ambo tu lah banyak lo urang balimau baliak," sabuiknya, sambia mamelokan duduak. Diiruiknyo kopi dalam-dalam, disalainyo sabatang rokok. Diisok lo, dikaluan luruih sudah tu bulek-bulek. Seakan-akan Pono marasokan lamak raso rokok, bisuak tu ndak bisa lai marokok ketiko puaso.

"O Iyo, kama ka pai Balimau," tanyo Codoik. "Ambo ndak ka pai do," kecek Pono. "Baa tu," penasaran bana Codoik. "Marusak se ma. Banyak urang mandi baduo, babaju singkek. Bacewek-cewek. Itu ambo ndak suko do,". "Tapi itu kan mambarasihan diri. Hari terakhir tu ma kawan, buliah se tu. Pono...Pono..Idealis bana ma," Codoik manjawek sambia tagalak-galak.

"ITulah. Balimaunyo mungkin elok, tapi bacewek-cewek jo mandi baduo tu ndak elok. Bia lah balimau di rumah se," kato Pono, sambia mambuka website sumbarterkini.com. Mano tau ado berita hebat di nagari ko. Mudah se mamantau daerah ko kini, tingga klik sumbarterkini.com se. (diasuah Malin BS)